«Веселая страна Николая Носова»

 

«Кэрэ киэҥ дойдубар мин тойук туойабын» П.А. Ойуунускай төрөөбүтэ 130 сылыгар аналлаах истиҥ түһүлгэ

  П.А. Ойуунускай төрөөбүтэ 130 сылыгар аналлаах «Ааҕыы - көлүөнэни ситимниир» бырайыак чэрчитинэн «Кэрэ киэҥ дойдубар мин тойук туойабын» диэн тургутук-оонньуу түһүлгэтигэр алын сүһүөх кылаастартан дьиэ кэргэттэр күөн көрүстүлэр. Күрэх түмүгэ: 

🥉III миэстэни– 1 «г» кылаастан Созонова Анна, ийэтэ Сардана Александровна, эбэтэ Алена Гаврильевна, кыл.сал. Яковлева Э.Н.   

🥈II миэстэни– 4 «б» кылаастан Габышев Айтал, аҕата Айхал Иванович, эһэтэ Петр Петрович, кыл.сал. Габышева М.Е.

🥇🏆I миэстэни– 2 «а» кылаастан Бучугасов Андриан, ийэтэ Паша Алексеевна, эһэтэ Алексей Петрович, кыл.сал. Максимова Н.М.

📜📜📜Бары кыттыылаахтар Туоһу сурук, кыайыылаахтар Хайҕал сурук, кинигэ бэлэх туттулар.

Көхтөөхтүк кыттыбыт кылаастары истиҥник эҕэрдэлиибит, барҕа махталбытын тиэрдэбит!

Өксөкүлээх сайта сүрэхтэннэ

 

Саха литературатын төрүттээччилэртэн биирдэстэрэ, улуу поэт, ученай, фольклорист, сырдатааччы А.Е. Кулаковскай - Өксөкүлээх Өлөксөй олоҕор уонна айар үлэтигэр анаммыт сайт презентацията буолла. Бу сайт бастакы президент Михаил Николаев көҕүлээһининэн таҥыллан үлэҕэ киирдэ.

Көрсүһүүгэ сайт ис хоһоонун, хайдах тэриллэн, хомуллан оҥоһуллубутун уонна туох салаалардааҕын,"Өксөкүлээх үөрэҕэ" бырайыагы  билиһиннэрдилэр. Алексей Елисеевич Кулаковскай - Өксөкүлээх Өлөксөй сиэнэ Лариса Реасовна эһээтин, аҕатын туһунан бэрт иһирэхтик ахтан-санаан сэһэргээтэ.

Биһиги гимназиябытыттан 10 "а" кылаас үөрэнээччилэрэ уонна саха тылын литературатын учууталлара, медиатека киинин үлэһиттэрэ кыттыыны ыллылар. 

Оҕо аймах тапталлаах суруйааччыта

 

Медиатека киинин тэрийиитинэн, саха народнай поэта, оҕо аймах тапталлаах суруйааччыта Бүөтүр Тобуруокап төрөөбүтэ 106 сылыгар анаан орто сүһүөх кылаастар литературнай оонньуу түһүлгэтигэр күөн көрүстүлэр. Үөрэнээччилэр күрэххэ суруйааччы олоҕун, айар үлэтин төһө билэллэрин бигэргэтэн тургутукка хоруйдаатылар, Тобуруокаптыы айар үлэ умсулҕаныгар ылларан хоһоон айарга холоннулар, Тобуруокап айымньыларынан гимназия үөрэнээччилэрэ кыттыылаах тэттик киинэлэри көрдүлэр.

 Гимназиябыт дириэктэрин сүбэһитэ Александр Макаров, саха тылын уонна литературатын учуутала идэҕэ уһуйулла сылдьар устудьуон уолаттар Афанасий уонна Максим - дьүүллүүр сүбэ буолан, сыанабыл биэрдилэр, түмүгү таһаардылар. 

1 миэстэ - 7 "а"  кылаас хамаандата, 2 миэстэ - 6 "а" кылаас хамаандата, 3 миэстэ - 7 "в" кылаас хамаандата кыайыы өрөгөйүн билэн үөрдүлэр-көттүлэр. 

Бары кыттыбыт хамаандаларга, кылаас салайааччыларыгар барҕа махталбытын истиҥ эҕэрдэбитин тиэрдэбит!

"Үрүҥ хаар алгыһа"

«Благодать большого снега» - «Үрүҥ хаар алгыһа» VII норуоттар икки ардыларынааҕы поэзия фестивалын чэрчитинэн, биллэр-көстөр суоллаах-иистээх суруйааччылар Исадилов Алмат Муратович (Татарстан), Айрат Бик-Булатов (Казань), Сергей Гловюк (Москва) ыалдьыттаатылар. Көрсүһүүгэ гимназия 8-ыс кылааһын үөрэнээччилэрэ кыттыыны ыллылар. Суруйааччылар айар үлэлэриттэн дорҕоонноохтук ааҕан билиһиннэрдилэр, оҕолор ыйытыктарыгар хоруйдаатылар. Гимназия библиотекатыгар бастыҥ баҕа санааларын анаан туран, айымньыларын бэлэхтээтилэр.

Үүнэ-сайда тур, Сахам Сирэ!

 

Оҕо музейнай киинэ, салайааччы Гоголева С.А. уонна медиатека холбоһуктаах Өрөспүүбүлүкэ күнүгэр аналлаах  библиотечнай урок буолан ааста. Үөрэнээччилэр "Дьүкээбил суһума" ("Под северным сиянием") быыстапкаҕа өрөспүүбүлүкэбит хотугу улуустарыттан төрүттээх СӨ норуодунай худуоһунньуга Николай Курилов, Россия худуоһунньуктарын сойууһун чилиэнэ Елизавета Третьякова, дьүкээгир эдэр худуоһунньуга Екатерина Суржанинова, Анаабыр улууһун олохтоохторо Анисья Сивцева, Дмитрий Кылтасов, Спиридон Попов.  Сахабыт сирин уһуга көстүбэт туундаратын дьикти-кэрэ көстүүлэрин, дьүкээбил суһумун, хоту дойду хоһуун дьонун-сэргэтин дьүһүйбүт  үлэлэрин кытта билистилэр, Саха автономията, суудаарыстыбаннаһа хайдах тэриллибитин туһунан кэпсээни иһиттилэр. Төрөөбүт дойдуга уонна худуоһунньуктар үлэлэригэр аналлаах хоһооннору аахтылар.

5 "б" кылаас үөрэнээччилэрэ.Кылаас салайааччыта Илларионова В.И.

5 "б" кылаас үөрэнээччилэрэ.Кылаас салайааччыта Илларионова В.И.

Видео төрөппүт көҥүлүнэн сайтка угулунна.

«Кыра тыгын» айымньы тула истиҥ сэһэргэһии

 

Балаҕан ыйын 19 күнүгэр Оҕо арыллар, ааҕар киинин үлэһиттэрэ А.Г., Н.К. Чиряевтар ааттарынан Дьокуускайдааҕы национальнай гимназия 10 «а» кылааһын үөрэнээччилэригэр анаан (кыл.сал. Кириллина К.Т.) Антуан де Сент-Экзюпери «Кыра тыгын» айымньытынан интерактивнай квиз-оонньуу ыыттылар.

Аан дойдуга аатырбыт айымньы быйыл суруллубута 80 сылын бэлиэтээбитэ. Бу кинигэ ааҕааччыны сааһыттан тутулуга суох дириҥник толкуйдатар сүдү күүстээх.

Үөрэнээччилэр икки хамаандаҕа арахсан билиилэрин-көрүүлэрин тургутан көрдүлэр. Айымньы ис хоһоонун бииргэ олорон  ырытыстылар, сөптөөх хоруйдары тобуллулар. Ол кинилэр айымньыны ымпыгар-чымпыгар диэри аахпыттарын, дириҥ ис хоһоонун өйдөөбүттэрин туоһулуур.

Күрэх түмүгүнэн хамаандалар бааллара тэҥнэһэн, бары бибилэтиэкэ аатыттан кинигэ бириис ылан үөрэн-көтөн тарҕастылар.

Оттон оонньууну алтынньы ый саҕаланыыта «Саха» НКИХ саҥа «Сайдыс» биэриитигэр көрүөххүтүн сөп.

Текст Telegram ситимиттэн ылылынна.