Улуу кыайыы 81 сылынан!

Үгэс быһыытынан Улуу Кыайыы бырааһынньыгын көрсө, гимназиябыт бэтэрээн учууталлара ыҥырыылаах күндү ыалдьыт буолан истиҥ көрсүһүүгэ кэлэн кыттыыны ыллылар. Ветераннарбытын уонна гимназия үөрэнээччилэрин, үлэһиттэрин «Туймаада» государственнай ансамбыла байыаннай, оччотооҕу кэм ырыаларынан эҕэрдэлээтилэр.
Гимназия аһыллыаҕыттан музыка кэрэ эйгэтигэр өр сылларга уһуйбут, Республикаҕа биир бастакынан уолаттар хордарын тэрийсибит Мамлакат Дмитриевна Старостина 85 сааһын бэлиэтээн, директор В.С. Пермякова гимназия «Махтал бэлиэтэ» мэтээли туттарда.
Үөрүүлээх көрсүһүүгэ 7б кылаас үөрэнээччилэрэ (кыл.сал. Илларионова В.И.) хоһоонунан дьүһүйүүлэрин, ону таһынан, сэрии кэминээҕи олохторун кэпсиир научнай практическай конференцияларын дакылаатын олус долгуйан туран билиһиннэрдилэр уонна бэтэрээннэргэ төрөппүттэрин кытта бэлэмнээбит аһылык наборун, бэлэхтэрин туттардылар.
Маннык дьоро түгэҥҥэ ветераннарбыт ахтыыларын, алгыс тылларын ылынан бары да сүргэбит көтөҕүллэн тарҕастыбыт.