«Читающая мама – читающая нация»

 Бүтүн Россиятааҕы “Читающая мама – читающая школа – читающая страна” проект чэрчитинэн, Россия ийэлэрин күнүгэр сөп түбэһиннэрэн Бүтүн Россиятааҕы “Матери России” хамсааһын Саха сиринээҕи салаатын, С.Н. Донской-II аатынан Үөрэҕи сайыннарар уонна идэни үрдэтэр институт көҕүлээһиннэринэн республиканскай «Читающая мама — читающая нация» онлайн – күрэх буолан ааста.
    Бу күрэх республикабытыгар иккис төгүл ыытылынна. Бастакы күрэх 2016 сыллаахха «Созвездие» библиотекаҕа үрдүк таһымнаахтык буолан ааспыта. Онно биһиги гимназиябытыттан Анна-Мария Кривогорницына (4 "б" кылаас) ийэтинээн Екатерина Анатольевналыын кыттан, кыайыылаах үрдүк аатын ылан, Бүтүн Россиятааҕы “Океан” лааҕырга путевка тутан, астына-дуоһуйа үөрэнэн, сынньанан кэлбитэ.
   Быйылгы «Читающая мама — читающая нация» күрэх арыый ураты форматтаах буолла. Республикабыт 17 улууһуттан уопсайа 58 дьиэ кэргэн, ол иһигэр биһиги гимназиябытыттан 6 дьиэ кэргэн олус эппиэтинэстээхтик бэлэмнэнэн кытыннылар. Еттянов Коля (5“в” кылаас) ийэтинээн Анегина Егоровналыын, Докторова Сардаана (6“б” кылаас) ийэтинээн Анна Николаевналыын уонна быраата Сандал (4“а” кылаас) аҕалара Дмитрий Святославовичтыын олус сэргэхтик кытыннылар. Докторовтар дьиэ кэргэн куорат, республика таһымнаах араас күрэхтэргэ биһиги гимназиябыт чиэһин үгүстүк ситиһиилээхтик көмүскээбиттэрэ.   
 Дьүүллүүр сүбэ үрдүк биһирэбилин ылбыт 6 “г” кылаас коллективын (кылаас салайааччыта Ксенофонтова Христина Михайловна) дьиэ-кэргэттэрэ: Афанасьева София Валентиновна уолунаан Сандаллыын, Дмитриева Евдокия Марковна уолунаан Алексейдыын, Ануфриева Анна Афанасьевна уолунаан Рустамныын, Иванова Варвара Николаевна уолунаан Станиславтыын, күргүөмүнэн олус уратытык кыттаннар “Лучший педагог семейного чтения” диэн анал аатынан бэлиэтэннилэр.