IV Аан дойдутааҕы «Үрүҥ хаар алгыһа» поэзия бэстибээлэ.

Дьокуускай куораттааҕы национальнай гимназияҕа IV Аан дойдутааҕы «Благодать большого снега» «Үрүҥ хаар алгыһа» поэзия бэстибээлэ үрдүк таһымнаахтык буолан ааста.

Көрсүһүүгэ, Азербайджан поэта Акбер Гошалы, Татарстан поэта Рифат Салахов уонна сахабыт сирин поэттара Рустам Каженкин, Гаврил Андросов, Елизавета Мигалкина ыалдьыттаатылар.

Кэлбит ыалдьыттары гимназия үөрэнээччилэрэ арыылаах алаадьынан айах туттулар, алгыстаах хомуһунан арчылаатылар. Бүтүн Россиятааҕы «Президент күрэҕин» кыттыылаахтара 8 «б» кылаас үөрэнээччилэрэ, Сахабыт сирин кэрэтин көрдөрөр дириҥ ис хоһоонноох композицияларын ыалдьыттар астына көрдүлэр.

Акбер Гошалы уонна Рифат Салахов бэйэлэрин тылларынан хоһооннорун аахпыттарын, ыйытыыларга хоруйдаабыттарын оҕолор олуһун сэргээтилэр.

Бу тэрээһини иилээн-саҕалаан ыытта саха тылын уонна литературатын учуутала, кафедра салайааччыта Күндэлиинэ Трофимовна Кириллина.  

Маннык истиҥ көрсүһүү биһиги гимназиябыт үбүлүөйдээх сылыгар буолбута олус тоҕоостоох.