Алтынньы 10 күнүгэр Дьокуускай куораттааҕы национальнай гимназия 5а кылааһын (кылаас сал.Адамова С.А) үөрэнээччилэрэ, төрөппүттэрэ гимназия 25 сыллаах үбүлүөйүн көрсө үтүө дьыала тэрээһинин ыыттылар. Ол курдук кылаас чааһыгар төрөппүт, «Бичик» национальнай кинигэ издательствотын үлэһитэ Никифорова М.Г. кэлэн ыалдьыттаата, кыһа туһунан кэпсээтэ, викторина ыытта. Оҕолор «Бичиккэ» тахсыбыт араас дьэрэкээн ойуулаах, баай ис хоһоонноох кинигэлэр, остуол оонньууларын туһунан билиһиннэрдилэр уонна бибилэтиэкэ пуондатыгар бэлэх ууннулар.
Комментариев нет:
Отправить комментарий