Гимназиябытыгар сылын аайы студеннар практикаларын ааһан, учуутал быһыытынан идэлэрин баһылыырга, билиилэрин хаҥатарга үгүс уруогу ыытан уонна кэтээн көрөн, ону таһынан,  тэрээһин ыытарга сүдү күүс буолаллар. 

Ааҕар киһи сайдыылаах, ситиһиилээх буоларын гимназия выпускнига, ХИФУ IV курсун студена, Бетюнскай Владислав 10 кылаас үөрэнээччилэригэр үтүө сүбэтин, ааҕыы абылаҥын, бэйэтин үөрэнэр кыһатын туһунан үллэһиннэ. Вдадислав бииргэ үөрэнэр кыргыттара хайдах айымньылары билиҥҥи ыччат сөбүлээн ааҕарын кэпсээтилэр. Нуучча тылын уонна литературатын учуутала Венера Илларионовна Илларионова оҕо эрдэҕинээҕи аахпыт айымньыларын уонна билигин ааҕа сылдьар араас хайысхалаах кинигэлэрин кытта билиһиннэрдэ. Үөрэнээччилэр истиҥ көрсүһүүттэн сүргэлэрэ көтөҕүллэн, ааҕыы суолтата олус тоҕоостооҕун билэн-көрөн тарҕастылар.

Ирбэт тоҥ туһунан төһө билэҕин?

 

Ирбэт тоҥ хайдах үөскээбитэй? Ирбэт тоҥу дьон хайдах билэн барбытай? Шергин  атыыһыт хастарбыт холуодьаһа. Тоҥ сир төһө халыҥнааҕый? Алаастар хайдах үөскээбиттэрэй? Булгунньахтар  үөскээһиннэрэ. Асфальт суол тоҕо алдьанарый?Сайын устата сир үрдүгэр ирбэккэ сытар муустар. Күн-дьыл уларыйыыта ирбэт тоҥҥо хайдах дьайарый? Бу олус интириэһинэй ыйытыктарга хоруйу Саха сирин бары муннуктарын ирбэт тоҥун үөрэппит инженер-геолог Готовцев Семен Петрович толору билиһиннэрдэ, сэһэргээтэ. Үөрэнээччилэр олус болҕойон истэн, үгүһү биллилэр-көрдүлэр.

«Төрөөбүт тылбар андаҕайабын»

 

Олунньу 20 күнүгэр, П. А. Ойуунускай аатынан литературнай түмэлгэ «Төрөөбүт тылбар андаҕайабын» диэн төрөөбүт тыл уонна саха суругун-бичигин күнүн чэрчитинэн уус-уран ааҕыы куораттааҕы күрэҕэр 10-с кылаас уолаттара 1 миэстэҕэ тиксэн, кыайыылаах үрдүк аатын сүктүлэр (уус-уран салайааччылар Кириллина К. Т., Юдина А. С.). Сааһыттан тутулуга суох ыытыллыбыт күрэххэ улахан дьону кытта киирсэн, кыайыылаах буолбуттара кэрэхсэбиллээх. Ситиһиилээх оҕолорбутун, учууталларбытын истиҥник эҕэрдэлиибит!

Аан дойдутааҕы кинигэ бэлэхтиир күнүнэн!

 

Гимназиябыт   2 “а” кылааһа  олунньу 18 күнүгэр төрөөбүт тыл уонна сурук – бичик күнүгэр аналлаах библиотечнай уруокка сырыттылар. Кылааһынан , олунньу 14 күнүгэр, Аан дойдутааҕы кинигэ бэлэҕин күнүн чэрчитинэн  библиотекаҕа   22 кинигэни бэлэх ууннулар.

Биир ураты түгэнинэн, Максимов Артем иккис сылын “Мамонт (Сэлии)” туһунан элбэҕи үөрэтэн, араас НПК кыттан ситиһиилээх,кыайыылаах –хотуулаах үөрэнээччибит, чинчийэр  үлэтин билиһиннэрэн, “Время мамонта” городской историко-культурный квест-маршруттаах  кыра кинигэ оҥорон библиотекаҕа бэлэхтээтэ.

"Тымныы оҕуһа" кинигэ сүрэхтэннэ

 

  Олунньу  13 күнүгэр – төрөөбүт тыл уонна сурук- бичик күнүгэр , ааҕар саалаҕа  2003 сыллаахха  бүтэрбит  үөрэнээччибит Татьяна Ушницкая (Маркова) омук сиригэр олорон, сахалыы ойуулукка олоҕуран “Тымныы оҕуһа” диэн олус сэргэх, ураты кинигэни таһаарда. Кинигэҕэ Айаал уолчаан эһээ Бүөккэлиин Тымныы оҕуһун мууһунан оҥорбуттарын  туһунан кыра кэпсээн, тыл оонньуута, таабырыннар уонна постер баар.  Кинигэ сүрэхтэниитигэр ааптар ийэтэ ,биллэр суруналыыс Татьяна Маркова кэлэн ыалдьыттаата. Көрсүһүү кэмигэр интерактивнай экран нөҥүө омук сириттэн , кинигэбит ааптара, Татьяна сахалыы саҥаран сэһэргэстэ. Кинигэ тутулун,ис хоһоонун  үөрэнээччилэргэ билиһиннэрдэ.

 

Тыл дьэрэкээн кустуга -2025

 

Одун  Хаан  Айыы  ыйыгар  төрөөбүт  тылга  аналлаах  куорат  сахалыы тылы үөрэтэр оскуолаларыгар  медиа-кииммин үгэскэ кубулуйбут "Тыл дьэрэкээн кустуга" оонньуу-күрэх олунньу  14 күнүгэр буолбута. Быйыл  №2 , №17,Саха гимназията, №1 ,ДьКНГ оскуолалар, 5-8кылаастан  хамаанда  туруоран  кыттыбыттара.  . Түөрт түһүмэхтээх: 1. Тургутук .2. Саха  буойун -  суруйааччылар  олохторо, айар үлэлэрэ. 3. Пазл таһаарыы  4. Дьиэҕэ үлэ: буойун – поэт хоһоонун  уус –ураннык  ааҕыы.

Хас  биирдии  түһүмэх  үөрэнээччи  билиитин-көрүүтүн, сатабылын,толкуйун, талаанын арыйбыта. Дьүүллүүр сүбэ  быһаарыытынан анал ааттар бэрилиннилэр:  "Кэрэхсэбиллээх  сахам  тыла" - Саха гимназиятыгар, "Саргылаах сахам тыла" - №2 оскуола, "Кэскиллээх сахам тыла" - № 1 оскуола, "Кыайыы дьулуур" - ДьКНГ, "Кылаан чыпчаал" - №17 оскуола. Кыттыбыт оскуолалар дуоһуйа  сынньанан, үөрэн-көтөн,астынан бардылар.  

           Төрөөбүт тылбыт - өрүү  сайда  турдун!

Төрөөбүт тылынан бэчээттэммит сонун кинигэлэр

Төрөөбүт тыл уонна сурук-бичик күнүгэр анаан А.Г. уонна Н.К Чиряевтар ааттарынан национальнай гимназияҕа олус сэргэх тэрээһиннэр ыытылла тураллар. Ол курдук, оһуохай күрэҕэ, саха суруйааччыларыгар анаммыт «Таай, бу кимий?», куораттааҕы «Тыл дьэрэкээн кустуга» оонньуулар, “Кичэллээх буочар күрэх” , «Тымныы оҕуһа» диэн гимназия выпускницатын Татьяна Александровна Ушницкая кинигэтин сүрэхтэниитэ, аныгы кэмҥэ сахалыы айымньылары өйдүүр кыһалҕа тула сэһэргэһии буолар. Маныаха куораттааҕы үөрэх салалтата төрөөбүт тылынан бэчээттэммит сонун кинигэлэри оскуолаларга анаабыта, саха оҕото төрөөбүт тылынан ыраастык саҥарарыгар уонна маннык хабаанннаах тэрээһиннэргэ сүҥкэн күүс, тирэх буолар, ийэ тылбытын харыстыыр, үйэтитэр аналлаах.