Саха Өрөспүүбүлүкэтин Ил Дархана А.С.Николаев 2023-2027 сс. саха литературатын төрүттээччи, үөрэҕи-билиини тарҕатааччы, бөлүһүөк суруйааччы,общественнай лидер Кулаковскай А.Е.-Өксөкүлээх Өлөксөй сылларынан биллэрбитэ. Онно олоҕуран Хаҥалас улууһугар биһиги бастакы Президеммит М.Е.Николаев киинигэр киниэхэ аналлаах сахалыы мөккүөр түһүлгэтэ тэрээһин буолан ааста. Сүрүн ирдэбилэ уол оҕону төрөөбүт тылынан санаатын сааһылаан тиэрдиитин, мөккүөргэ кыттыытын көҕүлээһин. Бу күрэх үс киһиттэн турар хамаанданан оонньуу буолар, бэйэтэ туспа быраабылалардаах. Онон оонньооччулары да, көрөөччүлэри да интэриэһиргэтэр интеллектуальнай күрэх. Манна бэлэмнэниигэ уолаттар сүрдээх элбэҕи билэллэр, сатабылга үөрэнэллэр. Тиэмэтэ бөлөҕүнэн тус –туһунан буолар. 5 -7 кылаас уолаттарыгар – Оҕо – ыал баайа дуо? Диэн этэ. Күрэх түмүгүнэн гимназия хамаандата бэйэтин бөлөҕөр 2 урдэлгэ таҕыста. Онно оонньоотулар 5а кылаастан (салайааччы Григорьева М.В.): Лукин Тимир -1 спикер, Чашкин Миша -2 спикер, Старостин Яша -3 спикер. Ону таһынан, бастыҥ оонньооччу аатын Лукин Тимир ылан анал туоһу суругунан бэлиэтэннэ.
Комментариев нет:
Отправить комментарий