Өксөкүлээх сардаҥата

Тумус туттар улуу киһибит Алексей Елисеевич Кулаковскай –  Өксөкүлээх Өлөксөй төрөөбүт күнүгэр гимназиябытыгар «Өксөкүлээх сардаҥата» сандаарда.

  Бүтүн Арассыыйатааҕы үөрэх кыһаларын алын сүһүөх кылаас үөрэнээччилэрин сайыннарар «Өксөкү сиэннэрэ» - «Орлята России» федеральнай  бырагыраама  иһинэн алын сүһүөх учууталлара, библиотека үлэһиттэрэ Бурнашева О.В, Чирикова А.Е уонна дириэктэр сүбэһитэ Васильева В.П, оҕолорго бу күн «Өксөкүлээх сардаҥата» акция иһинэн "Өксөкү сиэннэрэ" саха литературатын төрүттээччи, бөлүһүөк, духуобунай лидер олоҕун, айар үлэтин тула көхтөөх кэпсэтииини ыыттылар. Уонна "Өксөкү сиэннэрэ" Өксөкүлээҕи ааҕаллар диэн саҥа бырайыагы  сүрэхтээтилэр. Ону тэҥэ, быйылгы үөрэх дьылыгар талыллыбыт Басхан салайааччы - Эрхан Габышев бэйэтин баҕа санаатын, Өксөкү сиэнэ хайдах буолуохтааҕын холобур аҕалан кэпсээтэ.

    Ыытыллар үлэлэр сүрүн сыаллара – оҕо төрөөбүт дойдутун таптыы, дьонун-сэргэтин ытыктыы улаатарын, киһи киһитэ буолан үүнэн тахсарын ситиһии. Саха норуотун поэта Иван Гоголев «өксөкү оҕото өксөкү буолар» диэн эппит бэргэн этиитэ «өксөкү сиэннэрин» өссө чиҥэтэн, күүһүрдэн, дириҥэтэн биэрэр.