А.Г. уонна Н.К. Чирээйэптэр ааттарынан Дьокуускай куорат национальнай гимназиятыгар, үгэскэ кубулуйбут, төрөөбүт тыл, сурук- бичик күнүгэр аналлаах Дьокуускай куорат саха тылын үөрэтэр оскуолаларын 7-ис кылааһын үөрэнээччилэригэр “Тыл дьэрэкээн кустуга” оонньуу-күрэс буолан ааста.
Күрэс сүрүн сыала-соруга:
Үөрэнээччи сахалыы айымньылаахтык ааҕар, толкуйдуур, саҥарар, айар дьоҕурун сайыннарыы, төрөөбүт дойдутугар бэриниилээх, доҕордуу истиҥ сыһыаннаах буоларыгар иитии-үөрэтии.Үөрүүлээх түһүлгэни гимназиябыт “Саргылардаах сахалар” диэн, 10 кылаас уолаттарын бөлөҕө истиҥ, иэйиилээх уус-ууран ааҕыыларынан арыйдылар. Дьокуускай куорат 1,2,17,21,40 нүөмэрдээх оскуолаларыттан уонна Саха гимназиятыттан хамаандалар кэлэн, уопсайа 5 түһүмэххэ көхтөөхтүк кытыннылар.
Күрэс түмүгүнэн:
«Саргылаах сахам тыла» анал аат – М.Е. Николаев аатынан Дьокуускай куорат 40№дээх оскуолата;
«Сахалыы сайдам саҥа» анал аат – Н.И. Шарин аатынан Дьокуускай куорат 39№дээх оскуолата;
«Алгыстаах сахам тыла» анал аат – Саха гимназията;
«Тобуллаҕас толкуй» анал аат – Дьокуускай куорат 2№дээх оскуолата;
III миэстэни – Дьокуускай куорат 21№дээх оскуолата;
II миэстэни – Дьокуускай куорат 1№дээх оскуолата ;
I миэстэни - Дьокуускай куорат 17№дээх оскуолата буоллулар.
Бары кыттыылаахтарга – туоһу сурук, кыайыылаахтарга – хайҕал сурук уонна сэмэй бэлэх туттарыллынна.Күрэскэ кыттыбыт бары хамаандаларга уонна бэлэмнээбит салайааччыларыгар барҕа махталбытын, истиҥ эҕэрдэбитин тиэрдэбит.
https://vk.ru/album-217317439_310471607
https://vk.ru/album-217317439_310471607
Комментариев нет:
Отправить комментарий