Чирээйэптии ааҕыылар

 

Алтынньы ый 19 күнүгэр гимназиябытыгар үгэскэ кубулуйбут «Чирээйэптии ааҕыы» ыытылынна. Ааҕар саалаҕа  «Ааҕыы көлүөнэни ситимниир» сиэксийэтэ буолла. Манна кылаастан төрөппүттэр уонна эбээлэр кыттыыны ыллылар. Дьиэ кэргэн педагога, учуутал, суруналыыс, «Мин эйгэбин» педагогическай мастарыскыай салайааччыта, новатор учуутал, СӨ ытык сүбэтин чилиэнэ, “Ыал үөрэҕэ” кинигэлэр серияларын ааптара Аргунова Любовь Семеновна соргулаах сүбэтин, санаатын иһиттилэр.

Дьиэ кэргэнинэн ааҕыыга үрдүк ситииһиилэрдээх, холобур буолар ыаллар, Люция Ильинична, Михаил Семенович Дедюкиннар (2а,7а кылаас эбээтэ,эһээтэ), кыыстара Надежда Михайловна Дмитриева 2а кылаастан, Зинаида Ивановна Дягилева 6б кылаас эбээтэ, Ирина Гаврильевна Билюкина – эбээ, бэйэлэрин баай уопуттарын кэпсээтилэр. Көрдөрөр-иһитиннэрэр, туһанар  матырыйаалларын дьон сэргээн көрдө-иһиттэ.

Хас биирдии кылаас ааҕыыга аналлаах биир бырайыактаах буоллун, төрөппүт, эбээ, эһээ быһаччы кыттыыны ылаллара биһирэнэр диэн санаалаах сиэксийэ үлэтин түмүктээтэ.