Учууталларбыт иллэҥ кэмҥэ дьарыктара

Кулун тутар 7 күнүгэр гимназиябытыгар Аан дойду дьахталларын күнүнэн сэргэх тэрээһин буолан ааста. Ол курдук, ааҕар саалаҕа биһиги учууталларбыт иллэҥ кэмнэригэр тугунан дьарыктаналларын аҕалан көрдөрдүлэр, билиһиннэрдилэр. Манна дьэрэкээн оҕуруонан тиһиллибит араас сабынан быысапкаламмыт, уруһуйдаммыт көрүөхтэн кэрэ хартыыналар, тэттик кинигэчээннэр, Аан дойду норуоттарын куукулаларын, аанньалларын, уруучукаларын коллекциялара, баайыы таҥас, саахымат  көбүөр арааһа учууталлар, үөрэнээччилэр сэҥээриилэрин, биһирэбиллэрин ылла.