“Хомуһун тыл, хомоҕой хоһоон” түһүлгэтин бөлөҕүнэн өйтөн сахалыы хоһоон ааҕыы күрэҕэ

Төрөөбүт төрүт тыл
Сөрүүн сүөгэй курдук
Сүрэҕи-быары сөрүүргэтэр,
Убаҕас отон уутун курдук
Улахан куйааска утаҕы аһарар,
Сырдьыгыныы көөнньүбүт
Сылгы кымыһын курдук
Тостор куйааска тоҕулу ханнарар…
                         А.А. Иванов – Күндэ

Буолар күнэ-дьыла: 13.02.2018с., 14.00 чаастан

Буолар сирэ: аактабай саала

“Хомуһун тыл, хомоҕой хоһоон” түһүлгэтин өйтөн ааҕыы күрэҕэр гимназия 5,6,7 кылааһын үөрэнээччилэригэр ыытыллар.

Сыала-соруга: саха суруйааччыларын хоһоонунан айымньыларын үүнэр ыччакка тарҕатыы, оҕо өйүгэр-санаатыгар иҥэрии; төрөөбүт тылга, литератураҕа тапталы иитии.

Ирдэбиллэр:

1.     Кылаастан 5 уонна онтон элбэх үөрэнээччи бөлөҕүнэн кыттар.

2.     Бөлөх ааҕар хоһооно: төрөөбүт тыл эбэтэр  быйылгы үбүлүөйдээх саха суруйааччыларын хоһоонноруттан буолар.

3.     Ааҕыы 5 мүн. уһуо суохтаах.

Үлэни сыаналааһын:

1.      Ис хоһоонноохтук, хомоҕойдук, дорҕоонноохтук ааҕыы.

2.      Айымньыны бэйэ толкуйунан уус-уран киэргэтии, доҕуһуол.

Тэрийэр бөлөх